Një vit nga tërmeti i 26 nëntorit, ambasada amerikane: Qëndrojmë në solidaritet me popullin shqiptar

Ambasada e Shteteve të Bashkuara të Amerikës ka shprehur mbështetjen ndaj popullit shqiptar, sa i përket pandemisë dhe tërmetit tragjik të një vit më parë.

Nëpërmjet një postimi në Facebook, ambasada amerikane thekson se qëndron në solidaritet me popullin shqiptar, në këtë 1 vjetor të tërmetit tragjik. 

“Në 26 nëntor bëhet një vit qëkur një tërmet goditi Shqipërinë. Shtetet e Bashkuara qëndrojnë në solidaritet me popullin shqiptar, ndërsa ju përkujtoni këtë përvjetor solemn.

Përgjatë vitit të kaluar, Shqipëria ka treguar një forcë të jashtëzakonshme, jo vetëm në rindërtim, por edhe në përballjen me një pandemi globale.

Shtetet e Bashkuara kanë qenë me ju në çdo hap të kësaj rruge dhe do të vazhdojmë të jemi me ju”, thuhet në reagimin e ambasadës amerikane.

Sot mbushet një vit nga tërmeti tragjik i 26 nëntorit, që la pas 51 viktima dhe mbi 3000 të plagosur.

Ndërkohë ende mijëra banorët janë në qiell të hapur, pasi u janë shembur banesat.

Nuk ka munguar edhe një reagim nga kryeministri Edi Rama, i cili ka theksuar se më e keqja iku. 

Sot një vit nga tërmeti i 26 nëntorit që shkaktoi 51 viktima, pasoja janë ende të freskëta

Rama video-mesazh për tërmetin e 26 nëntorit: Më e keqja është pas krahëve