“Njerëz janë edhe ata”, qytetarët për refugjatët afganë: Po i kthejmë nderin Italisë
Ardhja e refugjatëve të parë, të sjellë nga marrëveshja midis Shqipërisë dhe Italisë, tërhoqi vëmendjen jo vetëm të mediave shqiptare, por edhe atyre të huaja.
Qytetarët në vendin tonë përgëzojnë qeverinë dhe shprehin se tani është koha që Shqipëria t’i kthejë nderin shtetit fqinj, Italisë.
“Shumë bukur, bravo i qoftë Edi Ramës. Jemi pro ardhjes, sepse kur erdhi Kroacia, na mbajtën italianët… Italianët na kanë mbajtur, ç’është e vërteta”, u shpreh qytetari.
“Le të vijnë refugjatët, nuk ka asgjë të keqe. Janë dakord, nuk i prish punë askujt” , tha një grua.
“Pro, rob janë dhe ata. Vuan aty, vuajmë këtu, do i mbushin atje. Këtu jemi,” -tha një burrë.
“Siç kanë shkuar fëmijët tanë jashtë, kështu që po. Ne jemi mikpritës gjithmonë, siç na ka pritur dhe bota.” -u shpreh një qytetar.
Ditën e mërkurë, teksa refugjatët prisnin në kampin e ngritur në Shëngjin, u organizua një protestë nga aktivistët e shoqërisë civile kundër kësaj marrëveshjeje. Ashtu si në Itali, edhe në Shqipëri ka persona që janë kundër saj, duke thënë se ardhja e refugjatëve nuk garanton asnjë siguri për vendasit.
“Për mendimin tim, është kundër, sepse nuk kanë qytetarët shqiptarë. Kjo gjë nuk i takon vetëm qeverisë, por gjithë popullit shqiptar. Sasia që do të vijë është shumë e madhe dhe ka dëme që nuk di nëse i kanë marrë parasysh shteti shqiptar dhe ai italian… Ti nuk di kush janë personat, nuk di çfarë vaksinimesh kanë, a janë të sëmurë, a na sjellin rreziqe nga vendet ku vijnë”, -tha një qytetar.
16 emigrantët e parë mbërritën të mërkurën si rezultat i marrëveshjes midis Shqipërisë dhe Italisë. Ata qëndruan në kampin në Shëngjin për të plotësuar dokumentet e identifikimit dhe kërkesën për azil.
Pasi të përfundojnë procedurat, ata do të transferohen në kampin në Gjadër, ku do të qëndrojnë 4 javë derisa të marrin përgjigjen e kërkesës së tyre.
LEXONI GJITHASHTU:
Kryefaqja
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta