Shefi i OKB për refugjatët: Sulmet izraelite në Liban shkelin ligjin humanitar

Shefi i OKB-së për refugjatët thotë se shumë sulme ajrore në Liban kanë shkelur ligjin ndërkombëtar humanitar duke iu referuar bombardimeve të Izraelit në pjesë të mëdha të vendit.

“Fatkeqësisht, shumë raste të shkeljeve të ligjit ndërkombëtar humanitar në mënyrën se si kryhen sulmet ajrore që kanë shkatërruar ose dëmtuar infrastrukturën civile, kanë vrarë civilë, kanë ndikuar në operacionet humanitare,” tha Filippo Grandi për mediat në Bejrut.

Kjo vjen pasi ushtria izraelite kreu sulmet më intensive ajrore në Liban që nga fillimi i luftës në Gaza një vit më parë.

Gjatë vizitës së tij në Bejrut, Grandi tha gjithashtu se Libani po sheh një “krizë të madhe zhvendosjeje” si rezultat i fushatës ajrore të përshkallëzuar të Izraelit.

LEXONI GJITHASHTU:

• A do të kthehet Libani si Gaza? Eksperti Beqa ngre alarmin
• Macron thirrje për armëpushim: Libani nuk mund të bëhet një “Gaza e re”