Njëri me PS, tjetri me “Bashkë Fitojmë”- Dy kushërinj të parë në garë për Libohovën

I ftuar në Euronews Albania këtë të mërkurë ishte kandidati i koalicionit “Bashkë Fitojmë” për Libohovën, Adil Xhelili, i cili zbuloi disa nga ofertat politike të tij për komunitetin e bashkisë ku kandidon.

Gjatë emisionit, Xhelili, zbuloi se kandidati që ka përballë, Leonard Hide është kushëriri i tij i parë.

Xhelili theksoi se me kushëririn mban ende marrëdhënie dhe i flet në momentin që shkëmbehet në rrugë.

Pjesë nga biseda në studio:

Sidorela Gjoni: Më ka ardhur një mesazh në telefon zoti Xhelili që më thotë se kandidati juaj përballë, kandidati i Partisë Socialiste është kushëriri juaj, është e vërtetë?

Xhelili: Po është shumë e vërtetë. Është kushëriri i parë!

Sidorela Gjoni: Po si ka mundësi brenda familjes?

Xhelili: Për këtë mund të pyesësh ministren Mirela Kumbaro dhe klanin e Partisë Socialiste në qark.

Sidorela Gjoni: Flet me kushëririn tani që jeni kundërshtarë?

Xhelili: Po flasim, kur shkëmbehemi në rrugë flasim

Sidorela Gjoni: Nuk do flasësh më më duket se shoh që qenke ftohur me kushëririn!

Xhelili: Unë jam një tip që politikën e kam mbajtur jashtë familjes dhe gjithmonë jam përpjekur që lidhjet familjare të mos ndikohen nga bindjet apo nga opinion. Si i tillë e kam parim nga të parët e mi që mos të vendosim politikën mbi familjen.

LEXO GJITHASHTU:

• Pensionet me Greqinë| Përparojnë bisedimet, marrëveshja hyn në fazë të re
• “Shërbim funeral falas”- premtimi i kandidatit të Libohovës: Është një emergjencë