Njëri po kthehej për në banesën e tij, aksidentohen dy mjete në By Pass-in e Vlorës

Një aksident automobilistik është regjistruar pak minuta më parë në By Pass-in e Vlorës, pranë fshatit Babicë, ku dy automjete janë përplasur mes tyre, duke shkaktuar dëme të konsiderueshme materiale. Fatmirësisht, nga përplasja nuk ka persona të lënduar.

Në aksident janë përfshirë një automjet tip “Benz” dhe një “Passat”. Sipas burimeve paraprake, shkaku i aksidentit ka qenë një kthesë e rrezikshme e kryer nga njëri prej drejtuesve, i cili po tentonte të hynte në banesën e tij, duke ndërprerë rrugën për automjetin tjetër që po lëvizte në aksin nacional.

Përplasja ka qenë e fortë dhe ka shkaktuar dëmtime të konsiderueshme në të dy mjetet, por drejtuesit kanë shpëtuar pa lëndime. Policia ka mbërritur në vendngjarje dhe po punon për zbardhjen e plotë të rrethanave të aksidentit.

LEXONI GJITHASHTU:

• Përpunonte kokainën në Fier, kapet kimisti kolumbian i kërkuar nga interpoli
• Arrestohen 2 persona në Dibër: Sekuestrohen kallashnikov, municion dhe drogë