“Njohja e identitetit gjinor në Shqipëri”, shoqëria civile prezanton projektligjin

Ambasada PINK në Shqipëri, së bashku me partnerët e saj, ka prezantuar projekt-ligjin “Për njohjen e identitetit gjinor në Shqipëri”, një nismë e re ligjore, që kërkon të zgjidhë një ndër problemet thelbësore me të cilat përballen personat transgjinorë në Shqipëri. Kjo nismë kërkon ta sjellë legjislacionin shqiptar në linjë me atë europian.

“Jo të gjithë individëve u përputhet seksi biologjik  me identitetin e tyre, automatikisht këta persona përballen me diferencën mes paraqitjes së tyre, jetës së tyre të përditshme dhe dokumenteve zyrtare. Është detyrë e shtetit që dokumentet zyrtare të përputhen me atë gjini që zonja, zotëria ka zgjedhur të jetojë”, tha Altin Hazizaj, CRCA,  Ambasada PINK

Hazizaj shprehet se tashmë ka ardhur koha që edhe martesat mes së njëjtës gjini të jenë të lejuara.

“Kushtetuta e Shqipërisë i lejon çdo individi të krijojë familjen që do. Të rriturit janë të lirë të marrin vendimet e tyre e të martohen me kë të duan”, Altin Hazizaj, CRCA / Ambasada PINK

Celebrimi mes dy vajzave disa ditë më parë ngjalli debate publike, ndërsa u kundërshtua nga komunitetet fetare.