Njohja e vendimeve të huaja për veprat penale, Braho: Duhen ndryshime ligjore që të bëhen nga Gjykata e Posaçme

Kreu i SPAK, Klodian Braho gjatë fjalës së tij Këshillit të Lartë të Prokurorisë ka deklaruar se për njohjen e vendimeve të huaja për veprat penale duhet që të bëhen ndryshime ligjore që këto vendime të bëhen nga Gjykata e Posaçme.

“Për njohjen e vendimeve të huaja për vepra penale që kanë lidhje me SPAK, duhet që të bëhen ndryshime ligjore që këto vendime të bëhen nga Gjykata e Posaçme dhe jo nga gjykatat e juridiskionit te zakonshëm”, tha ai.

Braho foli edhe për sekuestrimin dhe përdorimin e celularëve të personave nën hetim nga Prokuroria e Posaçme. Ai tha se prokurorët i drejtohen GJKKO-së, që pas vendimit të Gjykatës Kushtetuese.

“Ekspertizat, telefonat kanë numri më të madh se janë më të përdorura se pajisjet kompjuterike. Me daljen e vendimit të Gjykatës Kushtetuese, SPAK ka ndryshuar procedurë e këqyrjes, sekuestrimit dhe marrjes së të dhënave. Prokurorët e drejtohen gjykatës për të marrë autorizim për të marrë të dhëna nga celulari dhe për ti përdorur”, tha Braho.