Noka kritikon qeverinë: Rama hartoi buxhetin e gomoneve për shpopullimin e vendit

Deputeti demokrat Flamur Noka, ka shprehur kritika për miratimin e procedurës së përshpejtuar për Portin e Durrësit.

Nga foltorja e Kuvendit, Noka theksoi se do ngelet njollë në histori, që gjatë seancës së djeshme u miratua kërkesa e qeverisë, që sipas tij, përbën vjedhjen e një prej pronave më të mira të këtij vendi.

“Ka një gjë që i dogji më shumë shqiptarëve. Urgjenca me të cilën sulltani i Surrelit i imponoi futjen e projektit të Portit të Durrësit Kuvendit. Çfarë urgjencë kishte ky projekt që të futej ditën e buxhetit? Sepse vëmendja do fokusohej te buxheti. Pas kësaj afere fshihet kryeministri dhe banda e tij se nuk shpjegohet ndryshe. Pse duhet të ketë përjashtim nga taksat? Askush nuk tha asnjë fjalë. pse nuk u bë me garë të hapur? Do t’i ngelet turp dhe njollë në histori këtij Kuvendi  që e fut dhe e voton vjedhjen e një prej pronave më të mira të këtij vend”- nënvizoi deputeti.

Buxheti i vitit 2023 sipas deputetit  varfëron popullin shqiptarë dhe nuk çon para në xhepat e tyre.

‘Por jo, ka vetëm një gjë që dyfishohet, tenderat dhe koncensionet sepse qeveria ka vendosur të dyfishojë vjedhjen. “Shtrëngo rripin Thanas” i thotë qytetarëve Edi Rama. asnjë masë në këtë buxhet për të lehtësuar rritjen e çmimeve. Kjo qeveri tregoi edhe një herë që ka një cilësi; pangopësi.

Ky është buxheti i gomoneve, i shpopullimit të Shqipërisë. Edi Rama nuk e do këtë vend ndaj harton një buxhet të tillë. Ky është buxheti i gomoneve për ta shpopulluar Shqipërinë”- nënvizoi ai.

LEXONI GJITHASHTU: 

• Zhupa thirrje qytetarëve që t’i bashkohen protestës së 12 nëntorit
• Vendet që kanë numrin më të lartë të njerëzve që punojnë nga shtëpia në BE