Noka: Pse nuk shqetësohen mediat që po arrestohet lideri i opozitës pa asnjë provë?

Deputeti i Partisë Demokratike, Flamur Noka tha në emisionin Now në Euronews Albania se opozitës iu mbyll zëri dhe ju mohuan të drejtat në parlament gjë që sipas tij i çoi në këtë aksion në Parlament.

Noka u shpreh se shumë eksponentë të opozitës po hetohen edhe pse nuk kanë asnjë lidhje me korrupsionin sot në vend.

“Ato që kemi bërë janë kundërveprime ndaj veprimeve antiligjore të qeverisë, fjala bojkot nuk ekziston më për PD, fjala aksion, mosbindje civile, sot ishin para Gjykatës së Lartë, radhës tjetër në një kryqëzim, Drejtësia po e fakton çdo ditë se është asgjë më shumë se një celulë e rilindjes që e përdor për të goditur opozitën. Sali Berisha, Ilir Meta, Monika Kryemadhi, Fatmir Mediu, këta kanë firmosur ineceneratorët? Kanë rrëmbyer portin e Durrësit? Dhe tani ku është çështja? Pse nuk shqetësohet mediat që po arrestohet lideri i opozitës pa asnjë provë dhe pa asnjë akuzë?” tha Noka.

LEXONI GJITHASHTU:

• Flamur Noka i kthehet Dritan Hilës: Protestat s’do ndalen, herën tjetër para SPAK
• Ndezi tymuese në parlament, Noka rrezikon 2 muaj përjashtim. PS kërkesë Kuvendit