Nora Malaj: Të rinjtë duhet ta fitojnë vendin e tyre në politikë

Pedagogia Nora Malaj thotë se të rinjtë duhet ta ftojnë vendin e tyre në politikë dhe mos të presin që t’ua lërë “stafetën” klasa e vjetër.

Në emisionin “RinTalk” në Euronews Albania, Malaj u shpreh se në politikë, nëse të dhurohet diçka, je i përdorur.

“Unë e kam lënë. Jam thjesht mentore. Askush nuk e lë vendin, vendi gjithmonë fitohet, nuk dhurohet. Edhe në politikë duhet kuptuar një gjë. Kush mendon që mund t’i dhurojë diçka është thjesht i përdorur, por nuk bën dot politikë.

Tani mendoj që jam një mentore shumë e mirë politike për të ndihmuar të rinjtë në të gjithë qasjen politike, për të qenë pjesë e asaj ëndrre që ata kanë”, theksoi ajo.