Norris fitoi Sprint-in në Sao Paulo, Verstappen penalizohet

McLaren vendosi këmbimin e makinave në krye të garës duke i dhënë mundësi Lando Norris të merrte fitoren e 1-rë këtë sezon në eventet Sprint, në “Sao Paulo Grand Prix”.

Në këtë mënyrë britaniku la pas Oscar Piastri-in që pas “pole positions” bëri një start perfekt Max Verstappen u përpoq shumë deri në parakalimin e Charles Leclerc për vendin e 3. Mirëpo 24 xhirot u mbyllën me një tjetër penalitet prej 5 sekondash për pilotin e Red Bull që shkeli rregullat e “Virtual Safety Car” dhe u dënua me 5 sekonda duke zbritur në vendin e 4.

Vendim që e ktheu Charles Leclerc në podium ndërsa Carlos Sainz u vendos në vendin e 5 përpara Mercedes-it të George Russell dhe Alpine të Pierre Gasly. Zonën e pikëve e mbylli  Sergio Perez.

Në start u pa se 20 pilotët kishin zgjedhur të garonin me gomat e mesme që kishin përdorur në “Sprint Qualifying” ndërsa Pierre Gasly dhe Liam Lawson kishin goma të reja. Në përfundim të 100 xhirove, Norris ngushtoi diferencën në klasifikimin e pilotëve në 44 pikë ndërsa McLaren rriti diferencën në 34 pikë ndaj Ferrarit në klasifikimin e konstruktorëve.