Nuk arriti të sigurojë investime të reja, kompania e raketave shpall falimentimin

Kompania e raketave Virgin Orbit, e miliarderit britanik Sir Richard Branson, ka shpallur falimentimin në SHBA pasi nuk arriti të sigurojë investime të reja.

Kompania e lëshimit të satelitit ndërpreu operacionet javë më parë, por shpreson të gjejë një blerës për biznesin.

Kompania, me qendër në Kaliforni, njoftoi javën e kaluar se do të shkurtonte 85% të fuqisë punëtore prej 750 personash.

Në fillim të këtij viti, një raketë Virgin Orbit dështoi të përfundojë lëshimin e saj të parë satelitor nga toka e Mbretërisë së Bashkuar.

Shefi i Virgin Orbit, Dan Hart, tha se megjithëse kompania kishte bërë përpjekje të mëdha për të të siguruar më shumë fonde, në fund të fundit ne duhet të bëjmë atë që është më e mira për biznesin.

Ai tha se Virgin Orbit tani do të përqendrohet në gjetjen e një blerësi për biznesin i cili do ofrojë qetësi për të ardhmen e kompanisë për klientët, shitësit dhe punonjësit e saj”.

Virgin Orbit u themelua në vitin 2017 dhe është një spin-off nga kompania e turizmit hapësinor të Sir Richard, Virgin Galactic.Ai lëshon raketa nga poshtë aeroplanëve të modifikuar Boeing 747 për të dërguar satelitë në hapësirë.

LEXONI GJITHASHTU:

• “Anglishtja në klasë të parë”, pedagogia: Është e gabuar, i ngatërron nxënësit
• U qëllua me armë nga nxënësi 6-vjeçar, mësuesja kërkon 40 mln dollarë shpërblim
• “Sekretet e shtetit në duart e Vlora Hysenit”, Qafoku: Ja pse e zgjodhi Rama