Pas mbledhjes së grupit parlamentar të PD-s, Gazment Bardhi tha se vendimi ndaj Salianjit ishte politik i marrë me urdhër të Ramës.

Për këtë arsye, ai paralajmëroi ngujimin e deputetëve në seli, por vete Salianji ka vendosur të dorëzohet dhe hapi i radhës për opozitën është ndërprerja e marrëdhënieve me kuvendin.

Bardhi tha se opozita do të vijojë aksionin opozitar, ku tha se më datë 6 tetor pritet të mbahet protesta e parë, por shtoi se kundërshtimi i këtij vendimi do të vijojë me mosbindjen civile në çdo rrugë e shesh.

“Qëndrimi i grupit parlamentar të Partisë Demokratike ndaj kësaj padrejtësie është se ne nuk duhet të pajtohemi, nuk duhet t’i nënshtrohemi. Për këtë arsye, qëndrimi unanim i të gjithë kolegëve të grupit parlamentar ka qenë kërkesa ndaj kolegut Salianji që të mos e zbatojë vendimin politik të Edi Ramës, të firmosur nga tre gjyqtarët e Apelit.

Sot është dënuar çdo anëtar i grupit të PD, çdo anëtar i Partisë Demokratike dhe çdo qytetar i Shqipërisë që ka vendosur të jetojë në këtë vend dhe të luftojë më të mirën për veten dhe familjen”, tha mes të tjerash Bardhi.

LEXONI GJITHASHTU:

• Salianji drejt dorëzimit, PD mobilizon mbështetësit, zbardhet mesazhi për strukturat
• Deputetët e PD gati të ngujohen në seli për të ndaluar arrestimin e Salianjit