Nuk dorëzoi formularin e deklarimit të pasurisë, shkarkohet zyrtari i Policisë

Drejtori i Policisë Lezhë, Vehbi Bushati është shkarkuar nga detyra.

Agjencia e Mbikëqyrjes Policore njoftoi se Bushati ka refuzuar të plotësojë dhe dorëzojë formularët e deklarimit të Pasurisë.

Në dokumentacionin e tij zyrtarit i mungon dhe deklarata e Kontrollit të Figurës dhe formulari i Vlerësimit të Aftësive.

Për këto arsye AMP vendosi largimin nga pozicionet e përcaktuara të Vehbi Bushatit këtë të martë.

Vendimi i arsyetuar me shkrim i njoftohet Subjektit të Vlerësimit dhe Drejtorisë së Përgjithshme të Policisë së Shtetit brenda 15 ditëve nga dita e nesërme e shpalljes së vendimit, thuhet në njoftim.

Kundër këtij vendimi lejohet ankim brenda 45 ditëve nga data e njoftimit, në Gjykatën Administrative të Shkallës së Parë Tiranë.

LEXONI GJITHASHTU:

• Kryebashkiaku socialist paraqitet në Prokurorinë e Posaçme
• Varg shkarkimesh tek Bayern, Bordi kërcënon drejtuesit dhe trajnerin