Banorët e fshatit Tragjas në Vlorë janë përballur me forcat e policisë të martën në mëngjes, gjatë përpjekjeve për të ndaluar ndërtimin e ujësjellësit të ri fshatit i cili do të furnizojë edhe fshatrat përreth.

Situata u tensionua kur filluan punimet për projektin e Agjencisë Kombëtare të Ujësjellës-Kanalizimeve, të cilat synojnë marrjen e ujit nga lumi Izvor për të furnizuar fshatrat të tjerë në bregdet. Banorët nuk duan që uji i burimit, pavarësisht se derdhet në det, t’u jepet fshatrave të tjerë.

Një numër i madh forcash policore dërguan në zonë për të siguruar rendin.

“Nuk i kemi lejuar dhe nuk do të lejojmë që mjetet e rënda të punojnë për të shtruar tubacioniet për marrjen e ujit. Do ta ndjekim çështjen nga ana ligjore dhe burrërore”, deklarojnë banorët.

Indinjatën e tyre kundër projektit të Agjencisë Kombëtare të Ujësjellës-Kanalizimeve banorët e shprehën edhe në këshillin bashkiak të Vlorës disa ditë më parë, ku i kërkuan kryebashkiakut të Vlorës të mbante pergjegjësi.

Banorët e Tragjasit kanë nisur nënshkrimin e një peticion drejtuar Ministres së Mjedisit dhe Kryeministrit, ku kërkojnë të ndalohen punimet për marrjen e ujit nga burimi dhe po kërkojnë investime për zhvillimin e fshatit.

LEXONI GJITHASHTU:

• Punimet në Tunelin e Llogarasë hasin në shpella karstike, mbi 3 km të hapura
• Primaret e PD, përfundon numërimi i votave në Vlorë, Ina Zhupa renditet e para