Kryeministri i Kosovës Albin Kurti ka shoqëruar udhëtarët e parë të përzgjedhur në udhëtimin e parë pa viza për shtetasit e Kosovës.
Ai dhe zëvendëskryeministrja Donika Gërvalla ishin paraditen e 1 Janarit në aeroportin “Adem Jashari”.
Të hipur në bordin e avionit drejt Austrisë, qytetarët dëgjuan zërin e Kurtit, nga radioja e kapitenit.
“Mirëdita të gjithëve! Ky nuk është kapiteni juaj, por kryeministri juaj. Fillimisht urime vitin e ri. Sot është dita e parë e vitit 2024, por njëkohësisht është edhe dita e parë e udhëtimit pa viza”, iu drejtua atyre kryeministri.
Më tej ai i këshillon që të mos i thyejnë rregullat e liberalizimit të vizave, që përcaktojnë qëndrim deri në 90 ditë në zonën Schengen përbrenda 180 ditëve.
Mos qëndroni më shumë se 90 ditë përbrenda 180 ditëve, sepse, siç e dini, liritë kanë rregulla”, dëgjohet të thotë Kurti.
LEXONI GJITHASHTU:
- Borrell: Liberalizimi i vizave për Kosovën i sjell përfitime edhe BE-së
- Gjermania përshëndet liberalizimin e vizave për Kosovën: I afron njerëzit në Evropë
