“Nuk je i saktë”, Milo debat me Bidon për Konferencën e Paqes: Shqipëria ishte aty

Historiani Paskal Milo i ka kthyer përgjigje Ardit Bidos, drejtor të Arkivave të Shqipërisë, i cili tha se Shqipëria nuk ishte pjesë në Konferencën e Paqes në Paris në vitin 1946.

I ftuar në emisionin “Now” në Euronews Albania, Milo theksoi se deklarata e Bidos nuk është e saktë pasi Shqipëria ka qenë pjesë e kësaj konference dhe këtë sipas tij e vërtetojnë dokumentet

“Dua të kthej një përgjigje për Arditin, për një tezë ose fakt që mua nuk më duket  i drejtë për nga mënyra se si e interpretoi. Është fjala për pranimin e Shqipërisë në Konferencën e Paqes të Parisit në vitin 1946. Ju thatë se Shqipëria nuk ka qenë pjesë, por kjo nuk është e saktë pasi Shqipëria ka qenë pjesë e kësaj konference dhe dokumentet e vërtetojnë fare mirë këtë gjë. Shqipëria nuk ishte me statusin e plotë të anëtarit, por jo për faj të saj, por ishte atje me statusin e anëtarit shok, ishte anëtar bashkëshoqërues”- tha Milo.

https://youtu.be/gOUPjM88TbU

LEXONI GJITHASHTU: 

• Paskal Milo kritika Ramës: Si Enveri, po dikton si duhet shkruar historia
• “Të pamend, injorantë”, Milo përgjigje kritikëve të Enver Hoxhës për luftën