“Nuk ka fraksione, por pengje”- Berisha: PD është vetëm një, ajo e anëtarësisë

Ish-kryeministri Sali Berisha mbajti këtë të hënë një konferencë për mediat, ku komentoi sërish vendimin e gjykatës për vulën e Partisë Demokratike.

Berisha deklaroi se në Partinë Demokratike nuk ekziston asnjë fraksion, por vetëm pengje të kryeministrit Edi Rama.

Berisha theksoi se PD është një dhe e e vetme dhe ëshët ajo që i përket anëtarësisë së PD-së.

“Pengjet janë pengje. Zbatojnë vetëm urdhra të pengmarrësit. Nuk ekziston fraksioni. Ekziston fraksioni i pengjeve të Edi Ramës, që përbëhet nga dy persona: Lul Brava dhe AliBasha.

PD është një dhe vetëm një, është ajo e anëtarësisë, është ajo që ka mbështetjen masive te qytetarët shqiptarët, është ajo që ka vendimin e gjykatës së faktit për regjistrimin dhe nuk mund të goditet me asnjë mjet tjetër.

Do jenë të mjerë ata që do vazhdojnë si donkishotër betejën me ketë forcë që ka për frymëzim lirinë”, tha Berisha.

LEXONI GJITHASHTU:

• Zbardhet fjala e Gazment Bardhit në mbledhjen me dyer të mbylla të Kryesisë së PD-së
• Alibeaj zbulon në mbledhjen e Kryesisë 3 objektivat e PD: Të dalim me një kandidat