“Nuk kam hequr dorë kurrë”, Basha tregon për herë të parë pse iu rikthye takimeve

Ish-kryetari i Partisë Demokratike Lulzim, Basha zhvilloi të mërkurën një takim me të rinjtë në kryeqytet, të cilëve iu shpalosi platformën e tij të re politike.

Basha tha se listat e hapura, vetingu i politikanëve, kufizimi i mandateve qeverisës dhe vota e emigrantëve janë e vetmja mundësi për të përmbysur kulturën aktuale politike.

I pyetur nga një prej të rinjve se cila ishte arsyeja që iu rikthye skenës politike pas një shkëputjeje mbi 1-vjeçare, Basha u shpreh se largimi i tij ishte bërë për t’i hapur rrugë  bashkimit të PD, por se asnjëherë nuk kishte hequr dorë prej saj.

“Tërheqja para 1 viti është bërë para interesit të madh për t’i dhënë një shans bashkimit të demokratëve. Për fat të keq kjo nuk ka ndodhur. Por unë nuk kam hequr në dorë kurrë nga përgjegjësia për të mos i lënë njerëzit në mes të rrugës, kontributin e atyre që më mbështetën edhe në zgjedhjet e 2021. Për hir të vendimi për të mos influencuar në këto zhvillime vendosa të tërhiqem nga takimet publike. Kjo s’do të thotë se jam stakuar nga interesi politik për PD. Kjo tërheqje më ka shërbyer për të parë sa kohë dhe energji i kam dedikuar luftës me njëri-tjetrin dhe sa halleve të njerëzve. Kam dalë në konkluzion që raporti duhet përmbysur, te pyetja çfarë duhet të bëjmë për të përmirësuar këtë shoqëri”, tha Basha.

LEXONI GJITHASHTU:

• “Mos u besoni më politikanëve”, Basha-të rinjve: Duhen listat e hapura 100%
• I veshur sportiv dhe mes të rinjve, rikthehet në takime publike Lulzim Basha