“Nuk mundem më”- Telefonata që 41-vjeçarja bëri përpara se të pinte fotoksinë

Shpresa Kërku, 41 vjeç nga fshati Bilce i Beratit i ka dhënë fund jetës mbremjen e djeshme duke konsumuar lëndë helmuese.

41-vjeçarja ndërroi jetë në spitalin e Traumës pasi kishte konsumuar 3 kokra fotoksinë.

Nëna e dy fëmijëve të mitur dyshohet se i dha fund jetës pas një debati verbal në telefon me bashkëshortin e saj i cili prej një viti jeton në shtetin grek.

41-vjeçarja ka telefonuar vëllanë e saj, të cilin e ka vënë në dijeni të aktit që do kryente ndërsa i ka kërkuar që të kujdesej për fëmijët e saj të mitur.

“Nuk mundem më, amanet fëmijët”- i ka thënë ajo të vëllait në telefon.

Pas telefonatës vllai i 41 vjeçares ka mbërritur në banesë ku e ka gjetur në gjendjë mjaft të rënduar, ku fillimisht e ka dërguar në spitalin Rajonal të Beratit e më pas drejt spitalit të Traumës në Tiranë.

41-vjeçarja ndërroi jetë disa minuta pasi kishte mbërritur në kryeqytet.

Ende nuk dihen shkaqet e kësaj ngjarje të rëndë apo debati në telefon që mund ta ketë çuar drejt aktit ekstrem.

Ajo që bie në sy është mungesa e emrit të bashkëshortit në lajmërimin e vdekjes, ku janë shënuar vetëm i vëllai dhe fëmijët.

Sipas  burimeve brenda familjes, në momëntet e fundit të jetës nëna e dy fëmijëve ka kërkuar që ta varrosnin në fshatin Banaj ku jetojnë aktualisht prindërit e saj.

Ky është rasti i disatë i helmimit me fotoksinë në vetëm pak kohë, duke u kthyer në një fenomen shqetësues që po merr jetë njerëzish.

LEXONI GJITHASHTU:

• Piu fotoksinë pas debatit me burrin në emigrim, vdes 41-vjeçarja. Amaneti i fundit
• I vranë të birin për një kondicioner, babai i jep fund jetës me fotoksinë
• E trishtë| Mësoi që kishte vajzën me sëmundje të keqe, gruaja helmohet me fotoksinë