Numërimi i votave/ Shpejtim Bulliqi nga LVV-ja kryeson në Podujevë

Kandidati i Lëvizjes Vetëvendosje dhe kryetari aktual i Komunës së Podujevës, Shpejtim Bulliqi, ka shpallur fitoren në raundin e parë të zgjedhjeve lokale.

Para aktivistëve të partisë së tij, Bulliqi deklaroi se gjatë mandatit të dytë do të jetë “kryetar i të gjithëve”, duke i bërë thirrje qytetarëve që të shpërndahen dhe të vazhdojnë festimet në mënyrë të qetë në shtëpitë e tyre.

Sipas rezultateve paraprake nga Komisioni Qendror i Zgjedhjeve, me 26.13 për qind të votave të numëruara, Bulliqi prin me 52.70 për qind të votave, ndërsa pas tij renditet kandidati i Lidhjes Demokratike të Kosovës, Ekrem Hyseni, me 39.32 për qind.