Numërohen kutitë e para në qarqet e Beratit dhe Dibrës

Ka nisur procesi i numërimit të votave dhe në dy qarqe të tjera të vendit, respektivisht në qarkun e Dibrës dhe Beratit.

Nga të dhënat paraprake të siguruara nga kutia e parë në qarkun e Beratit Partia Demokratike Aleanca për Shqipërinë Madhështore ka marrë 73 vota, Partia Socialiste 60 vota, Partia Mundësia dhe PSD nga 1 votë, Aleanca Kombëtare Shqiptare 2 vota dhe Nisma Shqipëria Bëhet gjithashtu 2 vota.

Ndërkohë në bashkinë Klos të qarkut të Dibrës janë përpunuar tre kutitë e para para. Në kutinë e parë të n umëruar në fshatin Shulbatër, PS ka marrë 175 vota dhe PD 89, ndërsa Partia Mundësia ka marrë 4 vota dhe Nisma Shqipëria Bëhet 1 votë. Në kutinë e dytë në fshatin Rripë, rezultati është 176 vota për PS dhe 102 për PD. Në kutinë e tretë të numëruar në fshatin Gurrë e Vogël, PS ka marrë 220 vota dhe PD 131.

Në Komunën Baz, nga katër kutitë e numëruara, Partia Socialiste ka marrë gjithsej 538 vota, ndërsa Partia Demokratike ka siguruar 388 vota.

Në shtatë kutitë e para të numëruara në qarkun e Dibrës, Partia Socialiste ka marrë gjithsej 1109 vota, ndërsa Partia Demokratike Aleanca për Shqipërinë Madhështore ka grumbulluar 710 vota.

LEXONI GJITHASHTU:

• KQZ publikon pjesëmarrjen e votimit në zgjedhje, qarqet që kryesojnë
• Euronews Albania siguron rezultatin e kutive të tjera të numëruara në Vorë
• Numërimi elektronik në Vorë, Euronews Albania siguron rezultatet e kutive të para