Nuredin Dumani bashkëpunëtor i drejtësisë? SPAK lëshon 32 urdhër-arreste

SPAK ka lëshuar të paktën 32 urdhër-arreste në megaoperacionin e zhvilluar së fundmi.

Gazetari i Euronews Albania Xhevahir Zhabina raporton se ky operacion nisi pas arrestimit të Nuredin Dumanit, i cili mund të jetë edhe bashkëpunëtor i drejtësisë.

Mes personave të arrestuar është një punonjës policie, i cili deri dje ushtronte detyrën në qarkun e Lezhës.

Operacioni është shtrirë në Elbasan, Durrës, Tiranë dhe Lezhë për goditjen e grupeve kriminale.

Pjesë e hetimit janë 3 prokurorë të SPAK, ndërsa gjyqtare është Atalanta Zeqiraj.

Mësohet se janë lëshuar urdhër-arreste për Ervis Martinajn, Suel Çelën, Kamer Mehjan dhe Talo Çelën.

LEXONI GJITHASHTU:

• SPAK megaoperacion në 3 qytete, dhjetëra të arrestuar, midis tyre policë 
• Nuredin Dumani del nga spitali 6 ditë pas arrestimit