Nurellari: Politika, pjesë e identitetit personal për shqiptarët

Politologu Adri Nurellari thotë se varësia e shqiptarëve nga politika lidhet me faktin që jeta e tyre varet drejtpërdrejtë nga politika.

Në emisionin Barometri në Euronews Albania, Nurellari u shpreh se kjo lidhet me kulturën politike të shqiptarëve krahasuar me vendet e tjera.

“Studimet më të mëdha që bëhen çdo dy vjet nxjerrin në pah tiparet e sjelljes politike. Ajo që më ka bërë përshtypje disa vjet më parë, që spikaste Shqipëria ishte identiteti partiak si element i identitetit personal. Nëse vendi i dytë ishte Bosnja me 16 për qind, Shqipëria me 20 për qind ishte e para në Europë. Kjo shkon përtej të qenët ballkanas, ka të bëjë me faktin që jeta jonë varet drejtpërdrejtë nga politika”, tha Nurellari.

LEXONI GJITHASHTU:

• 70% e të rinjve nuk shohin emisione politike
• Shqiptarët preferojnë median tradicionale për t’u informuar