Nurellari: Pse gratë e pëlqejnë më shumë Ramën se burrat

Politologu Adri Nurellari komentoi në Euronews Albania gjetjet e Barometrit lidhur me pëlqyeshmërinë e kryeministrit Edi Rama, ku rezulton se pëlqyeshmëria për të është dukshëm më e lartë tek femrat (57.4%) përkundër (40.8 %) tek meshkujt dhe më tepër tek moshat e reja.

Sipas tij, shifrat më të lartë të pëlqyeshmërisë nga femrat lidhet me faktorin emigracion, që është një fenomen më tepër mashkullor.

Ndërkohë, pëlqywshmërinë më të lartë tek moshat 18-24 vjeç, Nurellari e lidh me ekspozimin më të lartë që këto grupmosha kanë me Ramën në krahasim me liderët e vjetër.

“Në Shqipëri ka më shumë rezidentë gra dhe vajza se emigracioni është fenomen mashkullor, duke qenë se emigracioni arrin 40 për qind, do të thotë që në përqindje është pak a shumë e njëjtë. Çështja e popullaritetit ka të bëjë edhe me ekspozimin, që ka të bëjë me moshën 18-24 vjeç, këta nuk kanë qenë të ekspozuar ndaj liderëve të mëparshëm. Ekspozimi ka ndikim edhe në popullaritet dhe rinia është e ekspozuar më shumë me Ramën, të tjerët janë më të vjetruar, oferta është shumë e vjetër”, tha Nurellari.

LEXONI GJITHASHTU:

• Sa është pëlqyeshmëria për Ramën? Cilat janë pikat më të forta? Gjetjet e Barometrit
• Rama ndan pamjet: Hapet një segment i aksit rrugor Elbasan-Qafë Thanë (VIDEO)