Drejtoresha e Politikave Arsimore, Zamira Gjini, është shprehur se ministria është gati për të ndërtuar një plan-veprimi, pas rezultateve të dobta të arsimit shqiptar në “Pisa 2022”.
Komentet Gjini i bëri përmes një lidhjeje në Euronews Albania, ku tha se duhet të punohet fort me motivimin dhe zhvillimin profesional të mësuesve, si dhe me nxënësit.
Ajo shtoi gjithashtu se rënie në cilësinë e arsimit ka pasur në thuajse të gjitha vendet e botës dhe për këtë sipas saj, ka ndikuar edhe pandemia Covid-19.
“Jemi gati për të ndërtuar një planveprimi, pasi në linçimin e rezultateve të Pizës, u theksua se të gjitha vendet kanë pasur ulje në rezultatet e Pizës 2022. U tha se duhet të punohet fort me mësuesit, motivimin e tyre dhe zhvillimin profesional. Duhet të punohet fort me nxënësit dhe sa shkolla të jetë mbështetëse për nxënësit.
Krahas testit që mat performancën akademike të nxënësit, është krijuar edhe një test për mirëqënien psiko-sociale të nxënësve. Sa mësuesit janë afër nxënësve, sa ndikojnë rrjetet sociale te nxënësit, etj. Nxënësit janë shprehur se kanë patur mbështetje nga mësuesit, sidomos gjatë periudhës së Covid. Është një situatë edhe në vendet e zhvilluara.
Edhe kolegët e mi nga Gjermania Franca etj, janë shprehur për këtë rënie. Ne duke parë këto që kanë dalë gjatë raportit, do të fokusohemi fort në trajnimin e mësuesve, sidomos në fushën e shkencës, matematikës dhe gjuhës. Do të punojmë në një paketë të formimit të nxënësve”, është shprehur Gjini.
LEXONI GJITHASHTU:
- PISA 2022 “nxin” arsimin në Shqipëri, njohuritë e 15-vjeçarëve janë përkeqësuar
- Sherri me Rrajat, Prokuroria vendos kryerjen e riekspertimit mjekësor për Majat
