Nxiti urrejtje në TikTok për 14-vjeçarin e vrarë, policia procedon të riun

16-vjeçari i cili doli në një video në TikTok pas ngjarjes tronditëse të vrasjës së 14-vjeçarit, duke lavdëruar autorin e krimit, është identifikuar nga policia.

Ky person jeton në SHBA dhe pas publikimit të pamjeve filmike janë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për fillimin e procedimit penal, për 16-vjeçarin.

Ai akuzohet për veprën penale “Nxitja e urrejtjes ose grindjeve”, parashikuar nga neni 265 i Kodit Penal.

Njoftimi i policisë:

Në lidhje me një video të publikuar në një portal, ditën e djeshme, ju informojmë se:

Specialistët e Sektorit për Hetimin e Krimeve Kibernetike të DVP Tiranë, menjëherë pas publikimit të pamjeve filmike, kanë identifikuar shtetasin 16 vjeç që shfaqet në video, i cili banon në SHBA.

Në vijim të veprimeve për rastin, janë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për fillimin e procedimit penal, për 16-vjeçarin.

Ky shtetas, nëpërmjet rrjeteve sociale, ka bërë thirrje për nxitje të urrejtjes ose grindjeve, për mbajtje të armëve të ftohta nga fëmijët dhe për përdorimin e tyre në konflikte.

Materialet procedurale i kaluan Prokurorisë, për veprën penale “Nxitja e urrejtjes ose grindjeve”, parashikuar nga neni 265 i Kodit Penal.

LEXONI GJITHASHTU:

• Vrasja e 14-vjeçarit, reagon ambasadori i OSBE
• Vrasja e 14-vjeçarit pranë shkollës/ Prindërit e nxënësve njoftojnë marshim protestë