Një marshim protestë është thirrur për tu organizuar të enjten për të sensibilizuar institucionet dhe shoqërinë që ngjarje si ajo e vrasjes së 14-vjeçarit M.C të mos ndodhin më. Marshimi do të nisë nga Shkolla ‘Fan Noli’ ku mësonte Martini drejt Ministrisë së Arsimit, nën moton “prindërit në protest për sigurinë dhe arsimin e fëmijëve”.

Ky marshim ka për qëllim sensibilizimin e institucioneve dhe të shoqërisë në përgjithësi, me qëllim që ngjarje të tilla të parandalohen në kohë.

14 vjeçari vdiq psai u godit me thikë pak metra larg shkollës pas një sherri mes bashkëmoshatarësh.

Njotimi

Me tronditjen që na ka shkaktuar ngjarja tragjike në shkollën “Fan Noli” grupe prindërish nga të gjitha shkollat publike po organizohen për një protestë, të enjten në orën 11:00. Nisja do të bëhet nga shkolla Fan Noli dhe do të shkojmë te Ministria e Arsimit.

Kjo është një këmbanë alarmi që të reagojmë fort dhe të kërkojmë siguri për fëmijët tanë.

Situata e dhunës në shkolla e në grupmoshat e të rinjve ka shumë vite që është kështu dhe nuk ka masa parandaluese. Të kërkojmë një mekanizëm që të funksionojë shkollë-prindër-polici. Nuk mund të fshihemi më duke uruar që mos të jetë radha jonë, por të përpiqemi të gjithë bashkë për të mos lejuar të ndodhë më një tragjedi e tillë.

• “Thërriste nënë, nënë”, farmacistja tregon momentet kritike me 14-vjeçarin
• Flet mes lotësh gjyshja e shokut të 14-vjeçarit: E ëma e priste në shtëpi për drekë