Objekti i paidentifikuar alarmon Rusinë, pezullohen fluturimet në Shën Petersburg

Një aeroport në Shën Petersburg në Rusi pezulloi të gjitha fluturimet të martën për shkak të një objekti të paidentifikuar në qiell.

Qyeti i dytë më i madh ën Rusi njoftoi mbylljen e aeroportit Pulkovo në Telegram, pa dhënë një arsye për pezullimin.

Një fluturim i Aeroflot SU1001 bëri një kthesë të papritur dhe u kthye në Kaliningrad, ndoshta për shkak të kufizimeve në hapësirën ajrore të Shën Petersburgut, tha më herët FlightRadar24.

Fluturimet kishin rifilluar në mesditë, me agjencitë ruse të lajmeve që raportuan se ndalimi i përkohshëm i hapësirës ajrore brenda një rrezeje prej 200 km nga aeroporti ishte hequr.

Një burim në shërbimet e urgjencës të qytetit tha më herët se një objekt i paidentifikuar, ndoshta një dron, ishte pikasur nga shërbimet e ushtrisë duke bërë mbylljen e hapësirës ajrore.

Raportet e pakonfirmuara të mediave ruse në internet raportuan se avionët luftarakë ishin dërguar për të hetuar.

Nuk kishte asnjë koment zyrtar se çfarë e shkaktoi ndërprerjen e fluturimeve apo se si u hetua objekti i dyshuar i panjohur.

Të dhënat nga faqja e internetit FlightRadar24 treguan një numër fluturimesh të drejtuara për në Shën Petersburg duke u kthyer në destinacionet e tyre, ndërkohë që mbyllja e hapësirës ajrore u duk se ndikoi gjithashtu në fluturimet gjatë rrugës për në enklavën ruse të Kaliningradit, gjë që kërkon që aeroplanët të fluturojnë mbi Shën Petersburg.

Several St. Petersburg bound flights have turned around and are diverting. According to media reports unidentified objects have been spotted in the airspace around St. Petersburg. pic.twitter.com/YxldKYyv6n

— Flightradar24 (@flightradar24) February 28, 2023

LEXONI GJITHASHTU:

• Ukraina thotë se Rusia po rrit numrin e ushtarëve në lindje
• SHBA do t’i japë 10 miliardë dollarë Ukrainës deri në shtator
• Presidenti i Bjellorusisë viziton sot Kinën