Adoleshentët në Europë rrezikohen nga Sëmundjet Seksualisht të Transmetueshme, pasi nuk përdorin masa mbrojtëse.
Studimi i OBSH, nxjerr në pah se 15-vjeçarët në Shqipëri kanë përqindjen më të lartë të përfshirjes në marrëdhënie seksuale, por renditen në vendet e fundit për sa i përket përdorimit të masave mbrojtëse.
“Studimi vuri në dukje që pothuajse 1 në 3 djem 15-vjeçarë pranuan që kishin kryer marrëdhënie seksuale, ndërkohë që vetëm 4 për qind e vajzave raportuan një gjë të tillë. Pothuajse 2 në 3 vajza apo 1 në 3 djem raportuan se në marrëdhënien e fundit seksuale nuk kishin përdorur asnjë mjet mbrojtës”, thotë Genta Qirjako, specialiste ISHP.
Ekspertët vërejnë me shqetësim se përdorimi i mjeteve mbrojtëse tek 15-vjeçarët është në nivel të ulët.
“Për përdorimin e masave mbrojtëse jemi ndër vendet e fundit studimi është bërë në 42 vende dhe ne renditemi në vendin e 38, pra është një tregues shumë negativ. Nga ana tjetër në lidhje me kryerjen e marrëdhënieve seksuale renditemi në vendin e 14 nga 42 vende”, shprehet Qirjako.
