Oerd Bylykbashi: Drejtues të PS po pengojnë votimin, presion ndaj votuesve durrsak

Oerd Bylykbashi tha nga Durrësi se procesi zgjedhor ka nisur me probleme.

“Jam këtu për të denoncuar një problematik e cila ishte shumë e pritshme. Drejtues lokal dhe drejtues të institucioneve në Bashkinë e Durrësit, janë duke penguar procesin e votimit, duke qendruar brenda qendra ve të votimit e duke ushtruar presion mbi zgjedhësit.

Partia Demokratike nuk do lejojë në asnjë moment që në qendrat e votimit të ushtrohet presion që pengon lirinë e ushtrimit të votës. Qendrat e votimit kur konstatohen këto momente duhet të bllokohen të thirret policia dhe këta persona të largohen.

I kërkojmë policisë të jetë e vëmendshme në këto momente kur drejtues të Partisë Socialiste kërkojnë të intimidojnë dhe ndikojnë se si zgjedhësit do votojnë”,-tha Oerd Bylykbashi.