Oferta nga Rumania e Shqipëria, Enriko Papa në qendër të merkatos

Skuadrat shqiptare vijojnë përforcimet në prag të sezonit të ri futbollistik, ndërsa ato të cilat duken më në formë janë Dinamo, Partizani apo Egnatia, ndërsa edhe Elbasani duket se do të jetë konkurrues pas kthimit në elitë.

Krahas ekipeve, ka dhe disa lojtarë të cilët shihen si përforcimi i duhur, e njëri prej tyre është Enriko Papa. Mesfushori shqiptar që prej 6 vitesh vijon karrierën jashtë kufijve në Rumani apo edhe Turqi është në orbitën e disa skuadrave.

31-vjecari kërkohet nga dy ekipe rumune, ndërsa Euronews Albania mëson se Farul Constanța dhe Botoșani kanë bërë dhe ofertën zyrtare. I kontaktuar, futbollisti ka pranuar tratativat me ekipet në fjalë, ndërsa i ka hapur derën dhe një kalimi në elitën e futbollit shqiptar. Sipas Papës, nëse një ofertë e mirë do ta bindte për të qëndruar, pse jo atëherë ai do të luante në Superligën Shqiptare.

Kujtojmë se dhe ekipet nga Kosova nuk kanë qëndruar duarkryq duke kontaktuar lojtarin, i cili dëshiron që kontributin ta japë në ligën ku arriti kulmin e tij, përpara largimit, pra në Shqipëri. Në ditët në vijim pritet të ketë diçka konkrete sa i përket së ardhmes.

LEXONI GJITHASHTU:

• Ekskluzive| Rinovohet kontrata me Silvinjon, Dorivan dhe Zabaletan
• “Ishte super ndeshje”, Lorik Cana: Hajdeni me këmbë në tokë, gabimet e Silvinjos…