OKB-ja akordon 110 milionë dollarë për të trajtuar krizat humanitare

OKB-ja njoftoi të enjten ndarjen e 110 milionë dollarëve nga Fondi Qendror i Përgjigjes ndaj Emergjencave (CERF) për të mbështetur ndihmën humanitare për shpëtimin e jetës në 10 nga krizat më të pafinancuara në botë në Afrikë, Azi dhe Amerikën Latine.

Me mbi 300 milionë njerëz në nevojë urgjente për ndihmë, fondet humanitare globale po pakësohen, që parashikohet të arrijë një “rekord të ulët” këtë vit, tha në një deklaratë zyra humanitare e OKB-së OCHA.

“Për vendet e goditura nga konflikti, ndryshimet klimatike dhe trazirat ekonomike, shkurtimet brutale të financimit nuk do të thotë se nevojat humanitare zhduken,” tha Tom Fletcher, nënsekretari i përgjithshëm për çështjet humanitare dhe koordinatori i ndihmës emergjente. “Alokimi i fondeve të urgjencës së sotme i kanalizon burimet me shpejtësi atje ku nevojiten më shumë.”

Sipas deklaratës, një e treta e fondeve të reja do të ndihmojë Sudanin dhe Çadin fqinj, që të dy po luftojnë me dhunën, zhvendosjen dhe urinë. Mbështetje shtesë do të shkojë në Afganistan, Republikën Qendrore të Afrikës, Honduras, Mauritania, Niger, Somali, Venezuelë dhe Zambia. Fondet gjithashtu do të forcojnë iniciativat për të mbrojtur komunitetet e cenueshme nga goditjet klimatike.

CERF, i menaxhuar nga OCHA, shpërndan burime dy herë në vit për emergjencat e pafinancuara, duke u bërë thirrje shteteve anëtare dhe donatorëve të kontribuojnë. Në fund të vitit 2024, një disbursim i ngjashëm prej 110 milionë dollarësh ndihmoi mbi 3 milionë njerëz në kriza në 10 vende, thuhet në deklaratë.

“Këtë vit, komuniteti humanitar po kërkon gati 45 miliardë dollarë për të arritur 185 milionë nga njerëzit më të cenueshëm të kapur nga krizat në mbarë botën,” tha OCHA. “Deri më sot, vetëm 5 për qind e këtij financimi është marrë, duke lënë një boshllëk prej më shumë se 42 miliardë dollarë.”

LEXONI GJITHASHTU:

• Shtetet arabe dhe OKB-ja dënojnë bllokadën e ndihmës në Gaza nga Izraeli
• SHBA i bashkohet Rusisë për të votuar kundër rezolutës së OKB-së për Ukrainën