OKB miraton rezolutë: Rusia të tërheqë të gjitha trupat nga Ukraina

Organizata e Kombeve të Bashkuara ka votuar me shumicë dërrmuese për të dënuar pushtimin rus të Ukrainës me “termat më të forta të mundshme”.

Asambleja e Përgjithshme e OKB-së ka miratuar një rezolutë që kërkon që Rusia të ndalojë luftën në Ukrainë dhe të tërheqë të gjitha trupat.

Rezultati i votimit ishte 141 për Ukrainën, 35 vota abstenim ndërsa vetëm 5 vota ishin kundër: Rusia, Koreja e Veriut, Eritrea, Siria, Bjellorusia.

Votimin e ka përshëndetur presidenti i Ukrainës, Volodymyr Zelenskyy duke thënë se bota është krah vendit të tij.

2/2 Destructive results of the vote in 🇺🇳 for the aggressor convincingly show that a global anti-Putin coalition has been formed and is functioning. The world is with us. The truth is on our side. Victory will be ours 🇺🇦!

— Володимир Зеленський (@ZelenskyyUa) March 2, 2022

Ambasadori i Ukrainës në OKB, Sergiy Kyslytsya e ka krahasuar liderin e Rusisë, Vladimir Putin me Hitlerin.

Gjatë fjalës së tij në OKB, ai tha se pushtimi rus ka si qëllim që ta  privojë Ukrainën nga drejta për të ekzistuar.

Këtë gjë tha ambasadori tentoi të bënte dhe Hitleri më shumë se 80 vjet më parë.

Kyslytsya i kërkoi OKB që ta ndalojë Rusinë pasi ky është dhe qëllimi pse është krijuar ky organizëm ndërkombëtar.

Pjesë e votimit ishte dhe Shqipëria, e cila aktualisht është anëtare e Këshillit të Sigurimit në OKB.

“Bota ka folur kundër agresionit rus! Diktatori i Rusisë duhet të dëgjojë njerëzimin”, u shpreh ministrja e Jashtme, Olta Xhaçka pak pas votimit.

141 votes for peace in #Ukraine! Only 5 votes against: Russia, North Korea, Eritrea, Syria, Belarus. The world 🌍 has spoken against #Russian aggression.
Russia’s dictator must hear humanity!#StandwithUkraine🇺🇦🇺🇳 pic.twitter.com/FafM6CcmLD

— Olta Xhaçka🇦🇱 (@xhacka_olta) March 2, 2022