Operacion i përbashkët antimafia e Barit-SPAK, GJKKO jep masat e sigurisë

Këtë të enjte kanë dalë para Gjykatës së Posaçme kundër Korrupsionit dhe Krimit të Organizuar anëtarët dyshuar të një grupi të strukturuar kriminal, të arrestuar gjatë një operacioni të përbashkët mes prokurorisë antimafia të Barit dhe SPAK.

GJKKO ka vendosur vijimin e tre masave “arrest në burg” dhe një masë “arrest në shtëpi”, ndërsa ka ndryshuar masën nga “arrest në burg” në “detyrim paraqitjeje” për L.N, shoferin që akuzohet se ka transportuar rreth 700 mijë euro para të dyshuara si të ardhura nga aktiviteti kriminal në Shqipëri.

Në masën “arrest në burg” janë lënë E.B, E.K dhe S.P, ndërsa në masën “arrest në shtëpi” është vendosur N.K.

Ndërkohë, në Itali janë ekzekutuar disa masa të tjera sigurie ku përfshihen shtetasit: Igli Kamberi, I.K, B. Gj, S.F dhe D.B.