Operacioni i SPAK kundër trafikut të drogës dhe pastrimit të parave, të arrestuarit dalin para gjykatës

Prej orës 09:00, në Gjykatën e Posaçme Kundër Korrupsionit dhe Krimit të Organizuar (GJKKO) po zhvillohet seanca për marrjen në pyetje dhe verifikimin e kushteve për zbatimin e masave të sigurisë ndaj të ndaluarve në megaoperacionin e fundit të SPAK.

Sipas hetimeve, operacioni çoi në zbulimin e disa grupeve kriminale të dyshuara për përfshirje në trafikun e lëndëve narkotike, ndërsa të ardhurat e siguruara nga ky aktivitet dyshohet se investoheshin më pas në projekte ndërtimi.

Seanca është ndërprerë për dy orë dhe pritet të rifillojë në orën 11:00, pasi avokatët mbrojtës kërkuan kohë për t’u njohur me aktet hetimore të paraqitura nga SPAK.