Operacioni “Night sales 3”, bie në pranga 38-vjeçari, u kap me dhjetëra doza kokainë

Një 38-vjeçar është vënë në pranga pasi u kap në flagrancë nga policia. Ai kishte përgatitur dhjetëra doza të lëndës narkotike kokainë, për t’i shitur në zona të ndryshme të qarkut.

J.D., 38 vjeç, banues në fshatin Libonik, Maliq, u kap në flagrancë ndërkohë që policia po ushtronte kontrolle në kuadër të operacionit “Night Sales”, duke pasur për qëllim goditjen e veprimtarisë kriminale të shitjes së lëndëve narkotike

Gjatë kontrolleve të ushtruara, 38-vjeçarit iu gjet një sasi lënde e dyshuar narkotike kokainë, e ndarë në dhjetëra doza, që dyshohet se sigurohej nga ky shtetas, me qëllim shitjen. Sasia e lëndës narkotike u sekuestrua në cilësinë e provës materiale, së bashku me disa mjete (gërshëre dhe qese plastike) që shërbenin për ndarjen e lëndës narkotike në doza dhe me shuma parash në valuta të ndryshme të dyshuara të përfituara nga shitja e dozave të kokainës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Ambasadorja greke: Mungesa e Belerit në bashki, goditje e shtetit të së drejtës
• Revolta e Wagner, Putin: Ushtria shpëtoi Rusinë nga një luftë civile