“Opozita nuk frymëzoi”, Erla Mëhilli: Basha të respektojë standardin e Berishës

Ekspertja e komunikimit Erla Mëhilli komentoi rezultatet e procesit zgjedhor për Euronews Albania deri tani ku u shpreh se me këtë rezultat z. Basha e ka çuar opozitën në të njëjtin standart, që ka qenë kur u largua z. Berisha.

“Unë mendoj që Basha do presi mbylljen e rezultati për të reaguar, por z. Berisha ka lënë standartin e tij në PD. Me standaritin që Basha fitoi sot, Berisha ka dhënë dorëheqjen. Nëse do ishim një vend normal do respektonte standartin e Berishës,” u shpreh znj. Mëhilli.

Znj. Mëhilli tha se qyetarët treguan se nuk ka vota që thonë ‘Rama Ik’.

“Tani të jem e sinqertë ka fituar Rama nëse shifrat mbeten këto. Nuk ka një vota ‘Rama Ik’, por vota që i thonë z. Basha se në pushtet nuk vjen dot se të ka ardhur radha, por duhet punë. Midis Ramës dhe opozitës zgjodhën Ramën,” tha ekspertja e komunikimit Erla Mëhilli.

Ekspertja e komunikimit tha se një nga arsyet që çoi PD-në drejt humbjes sërish është opozita e dobët.

“Ka pasur opozitë të dobët, që nga 2013 ka qenë në rënie. Në humbja ka ndikuar reforma territorial, Marrëveshja e 2017-së, braktisja e institucioneve dhe fakti që nuk mori pjesë në zgjedhjet lokale bën të pamundur të sillte dallgën e ndryshimit,” u shpreh znj. Mëhilli.

Ndërsa reagimin e sotëm të z. Meta e quajti si reagim të presidentit të Republikës.

“Me reagimin e sotëm është president Republike, pasi deri para pak ditësh ishte palë. Për mua reagimet e z. Meta kanë qenë kosto për opozitën dhe ato mund të legjitimojnë fjalët e z. Rama, se prapa Lulit e Monikës ishte Meta,” tha ekspertja e komunikimit.