Orkestra e Harqeve në Durrës çel sezonin artistik me koncertin “Pranverë”

Orkestra e Harqeve në Durrës ka çelur sezonin artistik për artdashësit me koncertin “Pranverë”. Muzika e luajtur nga artistët e harqeve u duartrokit fort nga spektatorët të cilët deri në fund të vitit do të kenë mundësinë të shijojnë edhe 7 koncerte që ky formacion do të luaj për ta.

Drejtoresha artistike, Olta Juba, bën të ditur se kalendari artistik është edhe më i pasur, me një total prej 18 koncertesh, ku pjesë janë edhe banda frymore dhe kori i të rinjve.

Ndërkohë, dirigjenti Gridi Kraja thekson se repertori përfshin pjesë nga kompozitorë të njohur, duke ndërthurur elemente dramatike me ato të gëzueshme, për të sjellë emocione të ndryshme tek publiku.

Koncerti “Pranverë” u prit me interes nga artdashësit durrsakë, duke premtuar një sezon të pasur artistik për qytetin.