OSBE në Kryesinë e Kuvendit për reformën zgjedhore, takim me Gjiknurin e Alibeajn

Tre përfaqësues të OSBE kanë mbërritur mëngjesin e së martës në kryesinë e Kuvendit ku pritet të zhvillojnë një takim me deputetin e PS, Damian Gjiknuri.

Sot pritet që në orën 14:00 të ketë takim edhe me nënkryetarin e PD, Enkelejd Alibeaj.

Ky takim vjen një ditë pasi dy bashkëkryetarët e komisionit të posaçëm të reformës zgjedhore i dërguan një letër OSBE ku kërkonin asistencë me ekspertë në komision.

Ndër çështjet që duhet të reflektojë komisioni i posaçëm i reformës zgjedhore janë hapja e listave të kandidatëve për deputetë, vota e emigrantëve dhe rekomandimet e OSBE/ODIHR.

Të premten në orën 11:00 do të mblidhet komisioni i posaçëm i reformës zgjedhore, mandati i të cilit përfundon në muajin mars.

LEXONI GJITHASHTU:

• Reforma zgjedhore, Bylykbashi: OSBE kërkon konsensus dhe gjithpërfshirje
• Nisja e sesionit të ri parlamentar, OSBE: Presim një Parlament plotësisht funksional