Ose dekriminalizohet, ose legalizohet shitblerja e votës, sugjeron analisti

Drejtori i OJQ-së “Infoçip”, Gerti Shella u shpreh se shitblerja e votës është një çështje shumë serioze. Ai tregoi në “Now” me Erla Mëhillin se konkretisht janë 13 prokurorë nga të cilët 5 u trajtuan paraprakisht për të hedhur pak më shumë energji te fusha e krimeve zgjedhore.

Sipas Shellës pavarësisht se ata që pranojnë të shesin votën mund të jenë në vështirësi për para duhet të dekriminalizohen njësoj me ata që ofrojnë para.

“Ai që ofrohet implikon financimin e partive, implikon pastërtinë  e partive për të bërë edhe sisteme nën rrogozë,” – tha analisti.

Sipas tij qytetarët që shesin votën dëmtojnë të gjithë ata qytetarë që me votën e tyre prentojnë të zgjedhin personin që do i drejtojë. Mbi të gjitha Shella thotë se kjo është diskriminim në themel i ligjit duke qenë se për të njëjtin krim jo të gjithë dënohen njësoj.

Në këtë pikë, analisti sugjeroi që ose të dekriminalizohet kushdo që merr para në këmbim të votës pavarësisht statusit ekonomik apo nevojave, ose të legalizohet shitblerja e votës.

LEXONI GJITHASHTU:

• Më pak se gjysma e kallëzimeve për krime zgjedhore u regjistrua, thotë Shella