Osmani e Kurti kërkojnë nga kryeministri grek ndihmë për liberalizimin e vizave

Presidentja e Kosovës Vjosa Osmani dhe kryeministri Albin Kurti kanë kërkuar përkrahje nga Greqia në procesin e liberalizimit të vizave.

Në takimin e zhvilluar me kryeministrin grek Kyriakos Mitsotakis, në vigjilje të Konferencës së Sigurisë në Mynih (MSC), ku ishte edhe e pranishme edhe ministrja e Punëve të Jashtme dhe Diasporës, Donika Gërvalla u theksua se liberalizimi i vizave për Kosovën mbron kredibilitetin e BE-së dhe se ky proces nuk duhet ndërlidhur me procese të tjera.

Krerët e shtetit theksuan se Kosova mbetet e palëkundur në orientimin euro-atlantik dhe synimin për anëtarësim në NATO, OKB dhe organizata të tjera ndërkombëtare, bën me dije zyra për shtyp e presidencës.

LEXONI GJITHASHTU:

• Mbi 5 mijë qytetarë hoqën dorë nga shtetësia kosovare
• Kosova shpërndan lejeqëndrimet 5-vjeçare për shtetasit e Shqipërisë