Presidentja e Kosovës, Vjosa Osmani, merr pjesë këtë të enjte në Samitin e Liderëve Evropianë në Moldavi.

Gjatë një prononcimi të dhënë në nisje të takimit të dytë të Komunitetit Politik Evropian, Serbia i bëri thirrje presidentit Vuçiç që të ndalojë veprimet destabilizuese.

Osmani bëri përgjegjëse për dhunën në Veri bandat kriminale që orkestrohen nga Beogradi.

Osmani e vuri theksin tek mbështetja e aleatëve për të patur sukses në luftimin e këtyre grupeve kriminale.

“Patjetër që është me rëndësi që nga Serbia të kërkohet në radhë të parë t’i ndalë veprimet destabilizuese dhe bandat kriminale, sepse këto janë grupe që janë në listën e zezë të Shteteve të Bashkuara  edhe në listën e zezë të Mbretërisë së Bashkuar, por edhe të disa shteve të tjera dhe janë kualifikuar si grupe trans-nacionale të krimit të organizuar, që ndër të tjera, po terrorizojnë qytetarët çdo ditë.

Prandaj, neve duhet ndihma e miqve tanë, ndihma e aleatëve që të jemi më të fokusuar dhe më të suksesshëm në luftimin e këtyre grupeve, por urdhri ndaj tyre vjen Vuçiqi, dihet shumë mirë kush i nxit ato që të përdorin dhunë në Kosovë, në veçanti në veri të Kosovës, pra presioni duhet të jetë tek Beogradi, në mënyrë që ata ta ndalin dhunën dhe kur nuk ka dhunë, natyrisht që çdo zgjidhje përpara mundet më shumë edhe të fokusohet edhe në implementimin e Marrëveshjes së Brukselit”, u shpreh Osmani.

LEXO GJITHASHTU:

• Tensionet në Veri dhe dhunimi i KFOR-it, Stoltenberg reagon nga samiti i NATO-s
• “Do ishim duke mbajtur zi për të vdekurit”, deklarata e fortë e komandantit të KFOR
• Tubime në Mal të Zi në mbështetje të serbëve në Kosovë