Osmani: Serbisë t’i dërgohet mesazh se s’do të tolerohet nxitja e dhunës në veri

Presidentja e Kosovës Vjosa Osmani deklaroi se se është më rëndësi t’i dërgohen mesazhe të qarta Serbisë nga komuniteti ndërkombëtar, se nuk do të tolerohet retorika e saj nxitëse dhe veprimet e saj të dhunshme përmes strukturave ilegale në Veri.

Deklaratën, Osmani e dha këtë të mërkurë gjatë një takimi me ambasadorin e Gjermanisë Jorn Rohde në Prishtinë.

Osmani ka theksuar se në raport me zhvillimet e fundit në veri institucionet e Kosovës janë të përkushtuara ta vazhdojnë koordinimin e plotë me partnerët ndërkombëtarë.

Sipas saj, Kosova është gjithnjë e gatshme që të ndërmarrë hapa, të cilët kontribuojnë për paqen dhe stabilitetin e vendit dhe rajonit.

Veriu i Kosovës u përfshi nga tensionet, pasi serbët lokalë vendosën barrikada në pikat kiftare në Jarinje dhe Bërnjak, më 31 korrik, duke shprehur kundërshtinë për reciprocitet për targat dhe dkoumentet, që ishte parashikuar të hynte në fuqi më 1 gusht.

Pas heqjes së barrikadave, qeveria e Kosovës vendosi ta shtyjë zbatimin e reciprocitetit më 1 shtator.

LEXONI GJITHASHTU

• Duam të rrëzojmë nga pushteti qeverinë e Kurtit, thotë Lista Serbe
• Rakiç: Kurti të mos u drejtohet serbëve në serbisht
• Hiqen të gjitha barrikadat në veri të Kosovës