Osmani: Shqipëria dhe Kosova, pjesë të pandashme të një kombi të madh

Presidentja e Kosovës, Vjosa Osmani mbajti fjalën e saj në seancën e përbashkët të dy kuvendeve të mbajtur këtë të premte në Prishtinë.

Presidentja e Kosovës, Vjosa Osmani, ka kërkuar unifikim të politikës së jashtme me Shqipërinë.

Ajo tha se seanca e përbashkët e kuvendeve të Kosovës dhe Shqipërisë duhet të shërbejë si një thirrje për avancim të bashkëpunimit ndërmjet dy vendeve.

“Bashkëpunimi nuk është një zgjedhje por domosdoshmëri”, theksoi ajo. Jetojmë në një kohë të trazuar që kërkon bashkëpunim. Një Shqipëri më e fortë do të thotë një Kosovë dhe më e fortë. Një Kosovë e suksesshme e ngre edhe më lart Shqipërinë. Prosperiteti i secilit shtet është detyrë që na takon të gjithëve.

Shqipëria për ne ka qenë më shumë se një shtet motër, ka qenë një aleate e palëkundur duke na qëndruar pranë në çdo hap. Shqipëria mbetet një shtyllë e fortë. Suksesi i Kosovës dhe Shqipërisë është nderim i të kaluarës tonë. Le t’i afrojmë dy shtetet tona çdo ditë e më shumë”,-tha ajo.

LEXONI GJITHASHTU:

• Rama “thumbon” Kurtin: Shqipëria në tryezën e negociatave, Kosova e sanksionuar
• Rama: Kosova duhet ta ngrijë pa afat dialogun bilateral me Serbinë