​Osmani: Të interesuar për intensifikimin e marrëdhënieve me Singaporin

Presidentja Vjosa Osmani në kuadër të vizitës së punës në Singapor është pritur në takim nga presidentja e Singaporit Halimah Yacob.

Pavarësisht distancës së largët gjeografike, Osmani ka theksuar se Kosova është e interesuar për intensifikimin e marrëdhënieve me këtë shtet të Azisë Juglindore, sidomos duke e ditur potencialit e bashkëpunimit tregtar.

Në kontekst të thellimit të marrëdhënieve më këtë shtet, presidentja Osmani ka potencuar se Singapori ka shënuar përparim të jashtëzakonshëm në teknologji si dhe në fushën e mbrojtjes, ndaj ka shfaqur gatishmërinë për bashkëpunim të fokusuar në këto fusha

Ky bashkëpunim sipas presidentes duhet të shtrihet edhe në fusha të tjera, si ajo e arsimit, energjisë, e shumë fusha të tjera.

Presidentja po ashtu prezantoi potencialin e Kosovës, si një mundësi për investime nga Singapori dhe në këtë kontekst përmendi, ndër të tjera popullsinë e re dhe dinamike, tregun e punës me kosto efektive dhe incentiva të shumta për investitorët e huaj.

Në këtë takim mori pjesë edhe ministrja e Shtetit për Zhvillim dhe Politikë të Jashtme, Halimah Yacob.

LEXONI GJITHASHTU:

• Kosova sërish pa viza edhe për faj të Vjosa Osmanit, thotë Haxhiu
• Miroslav Lajçak viziton sot Kosovën