‘Pa Kinën dhe Turqinë s’do ia kishim dalë me pandeminë’, Rama në Samitin e Paqes 

Kryeministri Edi Rama mori pjesë në Forumin e Paqes në Paris me ftesë të presidentit francez Emmanuel Macron.

Rama vlerësoi nismën e Komuniteti Politik Europian, që u hodh në tryezë nga Macron dhe është sipas vërtetë një ide për paqe në kontinent.

Ai nuk la pa përmendur zhgënjimin e tij por edhe të vendeve të tjera të rajonit për qëndrimin e BE-së gjatë pandemisë.

“Është një ide me rrënjë në Francë. Kur ideja u rihodh sërish për diskutim shumë vende menduan se kjo ishte për t’i shpëtuar thirrjes gjeopolitike për të zgjedhur BE, por sa më shumë koha kalonte provohet se kjo ishte një ide e shkëlqyer. Unë  e mbështes, e pamë të shpaloset pasi nisi lufta, e përjetuam tek pandemia që na dëshmoi me shumë kosto dhe mungesa e kësaj ure lidhëse mund të shkaktojë tragjedi. Pa Kinën dhe Turqinë nuk do t’i kishim mbijetuar COVID-it”, tha Rama.

Rama theksoi se çështja mes Kosovës dhe Serbisë e rëndësishme për të treguar se Ballkani është i bashkuar.

LEXONI GJITHASHTU:

• Akuzat për portin e Durrësit, Rama: Rublat duan të pengojnë projektin
• “Inerci komuniste”, Ngjela: Berisha dhe Rama zhargonin fyes si të Enver Hoxhës