Padia për shpifje që Adriatik Lapaj i ngriti Agron Shehajt, shtyhet seanca e parë

Seanca e parë gjyqësore për padinë për shpifje të ngritur nga Adriatik Lapaj ndaj deputetit Agron Shehaj është shtyrë. Shkak për shtyrjen u bë mungesa e Agron Shehajt në sallën e gjyqit, për të cilën gjykata deklaroi se ai nuk ishte njoftuar zyrtarisht. Ndërkohë, paditësi Adriatik Lapaj ishte i pranishëm.

Përplasja mes dy figurave publike mori formë ligjore më 2 prill, kur Lapaj dorëzoi pranë SPAK një kallëzim penal për shpifje ndaj Shehajt, pas akuzave të rënda që ky i fundit kishte bërë në drejtim të tij.

Shehaj e akuzoi Lapajn se kishte marrë 45 milionë lekë nga kompania “Merkaj 3 shpk”, e cila është aktualisht nën sekuestro nga SPAK, me dyshimet se shërbente për pastrimin e parave të grupit kriminal “Çopja”. Lapaj ka mohuar kategorikisht këto akuza, duke sqaruar se pagesat ndaj tij lidhen me shërbime ligjore të kryera në cilësinë e avokatit të kompanisë.

Pavarësisht sqarimeve, Shehaj ka vijuar me akuzat, duke publikuar dokumente që sipas tij provojnë se Lapaj ka qenë i përfshirë në regjistrimin e një prone me vlerë miliona euro, të blerë nga e njëjta kompani në zonën bregdetare. Sipas pretendimeve të Shehajt, vendimi për regjistrimin e kësaj prone është marrë nga Alltun Çela, vjehrri i Lapajt, në kohën kur ky i fundit drejtonte Gjykatën e Sarandës.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Adriatik Lapaj padit në SPAK kreun e partisë “Mundësia”, Agron Shehaj
• Padia e Lapajt/ Shehaj e ironizon duke nxjerrë prova të reja (VIDEO)