Paga minimale në Mbretërinë e Bashkuar do të rritet në vitin 2024

Paga minimale e Britanisë do të rritet në 12,67 euro në orë, konfirmoi ministri i Financave Jeremy Hunt të hënën në konferencën vjetore të Partisë Konservatore. Ndryshimi do të hyjë në fuqi nga fillimi i vitit të ardhshëm financiar, prill 2024.

Sipas pjesëve të para-publikuara të fjalimit të Hunt, ai do të shpjegojë sesi partia e tij e krahut të djathtë i është përkushtuar “përmirësimit të jetës së njerëzve që punojnë” duke “i dhënë fund pagave të ulëta”.

Konservatorët kanë vendosur një objektiv për të rritur Pagën Kombëtare të Jetesës në dy të tretat e të ardhurave mesatare deri në tetor të vitit të ardhshëm.

Qeveria thotë se dy milionë njerëz do të preken nga rritja e pritshme, me të ardhurat minimale aktualisht në 12 € në orë.

Duke mbetur prapa në sondazhe, konservatorët po përpiqen të përcaktojnë politika përpara zgjedhjeve mbarëkombëtare që priten deri në vitin 2025.

Parashikimet e qeverisë në nëntor zbuluan se Mbretëria e Bashkuar u përball me rënien më të madhe të standardeve të jetesës në histori, me faturat e ushqimit dhe energjisë që u rritën për shkak të luftës në Ukrainë, Brexit dhe pandemisë COVID.

Miliona njerwz në Britani duhet të shkurtojnë ose të anashkalojnë vaktet në mes të krizës së kostos së jetesës, zbuloi së fundmi Fondacioni Joseph Rowntree.

Organizata bamirëse kundër varfërisë tha se kjo “normale e re e tmerrshme” ishte për shkak të mbështetjes së dobët të shtetit dhe inflacionit të shfrenuar të çmimeve të ushqimeve.

Që atëherë, Mbretëria e Bashkuar ka parë megjithatë një rënie të papritur të inflacionit.

LEXONI GJITHASHTU:

• “Po planifikonin aneksimin e Veriut”- Ushtria e Serbisë reagon për akuzat e Kosovës
• Shqipëria përmbyll presidencën e Këshillit të Sigurimit në OKB