Paketa e Maleve, ministri Demo: Ditët e ardhshme miratohen aplikimet e para

Ministri për Pushtetin Vendor Ervin Demo foli në një konferencë për mediat lidhur me vendimet e marra këtë të premte në mbledhjen e kabinetit qeveritar.

Një ndër çështjet ishte Paketa e Maleve teksa theksoi se sot kanë kaluar edhe katër bashki të tjera për sa i përket zonave prioritare.

Sipas Demos, Paketa e Maleve vijon të jetë në fokus të qeverisë.

“Ju do të shikoni që bashki të ndryshme do miratojnë aplikimet e para dhe do ketë efekt ortek sepse bashkitë do të ndjekin njëra-tjetrën”.

Më tej, ministri foli për Paketën e Maleve dhe Reformën Territoriale.

“Përsa i përket reformës territoriale duhet të fokusohemi tek kompetencat deri tani dhe cilësia në territor deri tani për qytetarët. Komisioni do të ketë modele të ndryshme që do të diskutohen” tha ai.